Blog Archives

اشتقتلك..

اشتقتلك بابا غازي
اشتقت لعيونك الحلوين الي بسمتهن كانت عطول بريئة وصادقة
اشتقت لجبينك العريض الي كنت بوسه كل يوم قبل ما نام
اشتقت لصوتك الرائع لما تغني الصبح وانت عم تحلق ذقنك
اشتقت لصابيعك الطوال وللمستك الحنونة
اشتقت لفنجان الشاي من ايديك كل يوم قبل المدرسة.. او لما نصطبح مع بعض ايام الاعطال
اشتقت لخطك المميز وانت عم تحضر ليستات الاغراض اللازمة للبيت
اشتقت لنقاش ساخن منحتد فيه بالرأي.. ومنرجع نتفاهم
اشتقت لمباراة برشلونية نحضرها سوا ونعلق عليها ونعصب ونتحمس
اشتقت لحكاية تسلينا فيها من نوادر العرب.. او حتی من ذكرياتك
اشتقت لمشوار الصبح بالسيارة ونحن عم نسابق الوقت لانه لو قد ما بكرنا، تأخرنا يا أبي
اشتقت لبسمة ترحيب .. لنظرة فخر.. لضحكة مزح.. لغمرة حنان
اشتقتلك بابا غازي.. الله يصبرنا عفراقك 💔

image